قصة سيدنا نوح عليه السلام

موضوع: قصة سيدنا نوح عليه السلام 2010-11-19, 2:54 pm

نوح عليه السلام

عارفين يا شطار مين هو سيدنا نوح
ده نبي ربنا ارسله لناس كانو موجودين زمان
وكانو وحشين خاللللص تخيلو كانو بيعبدو اصنام
اصنام دي يا حلوين يعني تماثيل كده

واتذكر في القرأن اسماء بعض الاصنام دي وهما ( وَدّ - سُوَاع - يَغُوث - يَعُوق - نْسْر )

شايفين حتي اسامي غريبه ازاي

ربنا سبحانه وتعالي ارسل سيدنا نوح للناس دول
علشان يهديهم ويخليهم زينا بنعبد ربنا بس وبنصلي
لربنا وبس

قصة سيدنا نوح عليه السلام Untitled4fl1zf5

وفضل سيدنا نوح يكلمهم ويشرحلهم
ويدعوهم انهم يعبدو ربنا ويبعدو عن الاصنام دي
اللي مش بتستجيب لدعاء ولا حتي بتشوف وتسمع

لكنهم مسمعوش الكلام وفضلو زي ماهما

قصة سيدنا نوح عليه السلام 021202_1812_0003

وكمان قالو عليه كذاب
وكل اللي يسمع كلام سيدنا نوح ويعبد ربنا
يقولو عليه كذاب ومايكلمهوش تاني

وزعل سيدنا نوح قوي
وفضل يدعي لاهله انهم يتوبو ويصلو لربنا

لكن كتير منهم فضلو وحشين برضه

وفي يوم ربنا سبحانه وتعالي امر سيدنا
نوح انه يبني سفينه
السفينه دي يعني مركب بس كبيره شويه

وكان سيدنا نوح شاطر قوي في النجاره فبني مركب حلوه قوي
وربنا امره انه يركب فيها لانه حايحصل طوفان جامد قوي يموت كل
الناس اللي بتعبد الاصنام

الطوفان ده يعني الدنيا حاتفضل تشتي تشتي

والشوارع تبتدي تتملي ميه

والميه تفضل تعلي في الشارع

قصة سيدنا نوح عليه السلام Edmonton_flood_l

لدرجه انها حاتغطي البيوت كمان
وكل الكفار يغرقو

قصة سيدنا نوح عليه السلام FLOOD_INSURANCE

وامره ربنا انه ياخد معاه الناس الكويسين بس
اللي بيعبدو ربنا
وكمان من كل حيوان موجود ولد وبنت

وكان وقتها وهو بيبني السفينه مفيش مطر
وكمان ماكنش جنب البحر

كل الناس الوحشين فضلو يضحكو عليه

ويقولولو حاتعمل ايه بالمركب دي في وسط البلد كده
ومش واقف بيها في بحر ولا حاجه

لكنه فضل ينفذ كلام ربنا

وراح لابنه عشان يركب معاه لكنه رفض

وجه الميعاد وركب سيدنا نوح السفينه وابتدي المطر

وفضل سيدنا نوح ينادي علي ابنه
وهو مش راضي يركب معاه ولا عايز يعبد ربنا

وقاله انا حاطلع فوق الجبل بعيد عن الميه

قصة سيدنا نوح عليه السلام Istockphoto_10041094-boy-stand-on-mountain-top-with-hands-up

لكن الميه وصلت فوق الجبل كمان وغرق الولد

وفضلت المركب عايمه فوق الميه
لحد ما ربنا امر الارض انها تبلع كل الميه دي

وابتدت الميه تختفي

ونزل من السفينه سيدنا نوح واللي معاه وعاشو كلهم علي طاعه ربنا سبحانه وتعالي

عارفين ان سيدنا نوح فضل يدعي اهله وفضل بينهم الف الا خمسين سنه يااه
يعني 950 سنه والله اعلم

ودي يا حلوين قصه سيدنا نوح
توته توته خلصت الحدوته

شكرا شكرا موضوع مفيد جدا و مميز

زائر

شكراً فعلا الموضوع مفيد

زائر

شكراً لكم

شكرا علي القصة

» قصة سيدنا يوسف عليه السلام
» مقام سيدنا ابراهيم
» حكايه شق الصدر للرسول عليه الصلاة والسلام (قصه دينيه)